Source : Ministère de la Santé Publique

𝗠𝗶𝘁𝗼𝗻𝗱𝗿𝗮 𝗳𝗮𝗻𝗮𝘇𝗮𝘃𝗮𝗻𝗮 𝗺𝗶𝗸𝗮𝘀𝗶𝗸𝗮 𝗻𝘆 𝗳𝗶𝗮𝗸𝗮𝗿𝗮𝗻'𝗻𝘆 𝘁𝗮𝗵𝗮𝗻'𝗻𝘆 𝗼𝗹𝗼𝗻𝗮 𝗶𝘇𝗮𝘆 𝗺𝗶𝘁𝗼𝗻𝗱𝗿𝗮 𝗻𝘆 𝘁𝘀𝗶𝗺𝗼𝗸𝗮𝗿𝗲𝘁𝗶𝗻𝗮 𝗖𝗼𝘃𝗶𝗱-𝟭𝟵 𝘀𝘆 𝗻𝘆 𝗮𝗵𝗶𝗮𝗵𝘆 𝗺𝗶𝗸𝗮𝘀𝗶𝗸𝗮 𝗻𝘆 𝗮𝗿𝗲𝘁𝗶𝗻𝗮 𝗶𝘇𝗮𝘆 𝗺𝗮𝗵𝗮𝘇𝗼 𝗻𝘆 𝘇𝗮𝘇𝗮 𝗮𝗻𝗸𝗲𝗵𝗶𝘁𝗿𝗶𝗻𝘆 𝗻𝘆 𝗧𝗮𝗹𝗲𝗺-𝗽𝗮𝗿𝗶𝘁𝗿𝘆 𝗻𝘆 𝗳𝗮𝗵𝗮𝘀𝗮𝗹𝗮𝗺𝗮𝗻𝗮 𝗲𝘁𝗼 𝗔𝗻𝗮𝗹𝗮𝗺𝗮𝗻𝗴𝗮, 𝗗𝗿 𝗥𝗔𝗛𝗔𝗥𝗜𝗠𝗔𝗠𝗢𝗡𝗝𝗬 𝗟𝗮𝗹𝗶𝗲.

Nisy ny fepetra noraisin'ny Fitondram-panjakana amin'ny alalan'ny Ministeran'ny Fahasalamam-bahoaka tamin'ny fitiliana ireo zaza izay ahiahiana fa voan'ny aretina kitrotro ary eo am-piandrasana ny valin' izany ankehitriny.

⚠️ Ny fiovaovan'ny toetr'andro no isan'ny antony iray mampirongatra aretina maro samihafa. Tsara ny manamarika fa ny aretina rehetra dia azo sorohana , azo tsaboina tsara ary manana andraikitra amin' izany olom-pirenena tsirairay.

✅️ Entanina araka izany isika hanatona ireo Tobimpahasalamana hahazo ny fitsaboana sahaza sy hialàna amin'ny mety ho tranga na ahiahy sy ny honohono.

⚠️ Tsikaritra ihany koa tato ho ato fa somary niha -nitombo ny tahan'ireo olona izay voatily fa mitondra ny tsimokaretina Covid-19.

✅️ Maro ireo paik'ady izay efa napetraky ny Fitondram-panjakana nahitam-pahombiazana izay mbola mitohy ankehitriny. Isan'izany ny fanapariahana CVO sy CVO +, ny fanajana ireo fepetra sakana toy ny fanaovana arotava amin'ny toerana vory olona, ny fanasana tanana matetika amin'ny rano sy savony, ny fanaovana vakisiny....

Eo ihany koa ny fidinana ifotony izay ataon'ny Mpiasan'ny fahasalamana hanapahana ny rojom-pifandraisana amin'ny alalan'ny "Opération coup de poing".

📝 Ny fitiliana no hany fomba hahafahana mamantatra na mitondra ny tsimokaretina na tsia koa manentana ny tsirairay hanatona avy hatrany ny Tobimpahasalamana vantany vao misy tranga mampiahiahy hisorohana ny tranga misy fahasarotana.

✅️ Marihana hatrany fa maimaimpoana ny fandraisana an-tanana ireo olona voamarina fa mitondra ny tsimokaretina Covid-19.

Source : Ministère de la Santé Publique