Fanokafana ofisialy : Mahamasina
Fanomezan-danja ny fitsinjaram-pahefana :
Nitarika ny fanokafana ny Andro iraisam-pirenena ho an'ny Faritra tetsy amin'ny
Lapan'ny Kolontsaina sy ny Fanatanjahantena Mahamasina ny Praiminisitra Ntsay Christian, ny alakamisy 26 Novambra
2020. Nambarany fa efa tafapetraka izao ny fototra rehetra hanatanterahana ny fitsinjaram-pahefana ka isan'izany
ny fametrahana ny fomba fiasa vaovao
izay manome fahefana ny governoram-paritra ahafahan'izy ireo mandray fanapahan-kevitra amin'izay tokony
hampandrosoana ny faritra iadidiany.
Nambaran'ny Praiminisitra ihany koa fa efa nanokana 1 miliara ariary isam-paritra ny fitondram-panjakana ny taona
2019 ary ampitomboina ho 2 miliara izany ny taona 2020. Fitaovana maro ihany koa no hatolotra ny faritra tsirairay
ahafahany manatanteraka ny asa fampandrosoana andrasan'ny vahoaka aminy.
Hentitra kosa ny Praiminisitra amin'ny hampiasana ireo fitaovana ireo ho amin'ny
tombontsoan'ny vahoaka fa tsy ho tombontsoan'olon-tokana.
Vokatra azo tsapain-tanana, miantraika amin'ny fiainam-bahoaka :
Nambaran'ny minisitry ny Atitany sy ny Fitsinjaram-pahefana, Tianarivelo
Razafimahefa, izay nisolo tena ihany koa ny minisitry ny raharaham-bahiny tamin'ity lanonana ity fa ny hetsika toy
izao dia tafiditra indrindra amin'ny fanatanterahana ny velirano nataon'ny Filohan'ny Repoblika dia ny
fanomezan-danja ny vondrom-bahoaka itsinjaram-pahefana.
Izao hetsika izao, hoy hatrany ny Minisitry ny Atitany dia natao ho fampahafantarana an'i Madagasikara sy ny vita
malagasy amin'ireo firenena any ivelany.
Tanjona amin'ny hetsika toy izao ny fitadiavana tombontsoa amin'ny fiarahana
amin'ireo mpiara-miombona antoka isan-tsokajiny ka ahafahan'ny vahoaka misitraka ny fiakaran'ny fari-piainany.
NTSAY Christian
Praiminisitra
Lehiben'ny Governemanta
RAZAFIMAHEFA Tianarivelo
Minisitry ny Atitany
sy ny Fitsinjaram-pahefana
RASOAMAROMAKA Hery
Governora
Faritra Analamanga
Fitafiana malagasy
Fitafiana malagasy
Fiomanana handraisana ny vahiny
Handray ny Praiminisitra
Governora Analamanga
Masoivoho Vondrona Afrikana
Minisitry ny Atitany sy ny Fitsinjaram-pahefana
Praiminisitra
Mandray ny Filohan'ny Antenimieram-pirenena
Mandray ireo Masoivoho vahiny
Mandray ny Praiminisitra
Kabary
Mitsidika ny stands
Mitsidika ny stands
Maquette
Atrikasa niarahana tamin'ny mpiara-miombona antoka :
Fiaraha-mientan'ny rehetra :
Nitohy hatrany ny fankalazana ny Andro iraisam-pirenena ho an'ny faritra.
Taorian'ny fanokafana tamin'ny fomba ofisialy natao tao amin'ny Lapan'ny Kolontsaina sy ny Fanatanjahantena tao
Mahamasina, dia nitohy tao amin'ny Lapan'ny Tanànan'Antananarivo Renivohitra, Analakely, ny fotoana.Tamin'izany
no nanaovana ny fiaraha-midinika sy atrikasa niarahana tamin'ireo mpamatsy vola samihafa sy mpandraharaha vonona
ny hiara-hifanome tanana amin'ny Faritra Analamanga.
Tamin'izany no nanehoan'ny Governoran'ny faritra Analamanga, Hery Rasoamaromaka, ireo olana maro isan-karazany
hita amin'ireo sehatra samihafa sy ny vahaolana heverin'ny Faritra hiatrehana izany. Novoaboasina tao ihany koa
ireo asa efa vita sy ireo tetikasa maro kasain'ny faritra Analamanga hotanterahina toy ny :
Fampirantiana ny vokatra sy ny fahaiza-manao :
Mahavelom-panantenana ny otrikarena eto Analamanga :
Tetsy amin'ny Lapan'ny Kolontsaina sy ny Fanatanjahantena Mahamasina dia nitohy hatrany ny fampirantiana isankarazany, nanehoana ireo karazana vokatra samihafa sy ny tetikasa ary ny fomba fiasa eny anivon'ny Minisitera sy sampan-draharaha isan-karazany. Nisongadina tao anatin'izany ireo vokatry ny haitao avy eto an-tanindrazana. Singanina manokana amin'ireny ny vokatry ny harena ankibon'ny tany izay nahitana ireo vatosoa sarobidy isan-karazany ; ny vokatry ny asa tanana sy taozavatra toy ny zaitra, ny rary, ny tefy, ny hoditra izay tsy mena-mitaha amin'ny vokatra avy any ivelany. Naneho ny fahaiza-manaony ihany koa ireo mpisehatra amin'ny taontrano sy ny asa vaventy, ny fikarakarana lanonana sy ny mpisehatra ara-tsosialy sy ny fizahantany, ny angovo sy ny tontolo iainana.
Famaranana ofisialy :
Tontosa ny fanamby napetraka :
Nifarana ny 3 andro nankalazana ny Andro Iraisam-pirenena ho an'ny Faritra na ny
"Journées Internationales des Régions", andiany voalohany izay nampiantranoin'ny Faritra Analamanga.
Tetsy amin'ny Lapan'ny Kolontsaina sy ny Fanatanjahantena Mahamasina no natao ny lanonana tsotra nefa mendrika
namaranana tamin'ny fomba ofisialy ity hetsika ity. Samy nahazo ny fahafaham-po tandrify azy avy ireo mpisehatra
rehetra nandray anjara tamin'ity hetsika santatra ity. Nivoitra nandritra izay telo andro izay fa azo atao tsara
ny mampandroso ny faritra iray miainga amin'ireo otrikarena misy ao aminy, miaraka amin'ny mpamatsy vola sy ny
mpiara-miombona antoka isan-tsokajiny.
Nambaran'ny Governoran'ny Faritra Analamanga, Hery Rasoamaromaka, sady Filohan'ny Fikambanan'ny Governoram_paritra
eto Madagasikara rahateo, fa santatra ambavarano ihany ity natao teto Analamanga ity fa hitety ny faritra rehtra
izy ity ary hatao isan-taona. Tamin'io fotoana io ihany koa no nisaoran'ny Governora manokana ny Filoha Andry
Rajoelina izay nahafahana nanatontosa izao hetsika izao. Nisaorany toa izany koa ireo rehetra nifarimbona
tamin'izao Andro Iraisam-pirenena ho an'ny Faritra izao, nahitana ny Minisiteran'ny Raharaham-bahiny, ny
Minisiteran'ny Atitany sy ny Fitsinjaram-pahefana, ireo minisitera sy fikambanana eto antoerana sy
iraisam-pirenena, ny masoivoho samihafa ary ireo mpiara-miombona antoka, mpamatsy vola sy mpandraharaha.
Gouverneur de la Région Analamanga
Secrétaire Général. Administrateur Civil en Chef de Classe Exceptionnelle
Directeur du Cabinet
Directeur des Affaires Générales Régionales
Directeur des Infrastructures et du Développement
Directeur des Affaires Financières et de la Comptabilité
Personne Responsable des Marchés Publics
