Valanaretina Covid-19 eto Madagasikara
Nandritra ny fandaharana manokana momba ny ady atao amin'ny valanaretina Covid-19, ny alahady 18 oktobra 2020, tao amin'ny TVM sy RNM ary noraisin'ireo haino aman-jery samihafa, no nanambaran'ny Filoha Andry Rajoelina fa tapitra ny hamehana ara-pahasalamana (état d'urgence sanitaire) eto amin'ny tanin'ny Repoblikan'i Madagasikara. Mitohy kosa ny fepetra entina manakana ny mety ho fiparitahan'ny aretina indray :
- Mitohy ny fanarahana ireo fepetra ara-pahasalamana rehetra.
- Tsy maintsy manao arovava orona ny rehetra rehefa mivoaka ny trano.
- Voarara ary mbola tsy azo atao ny famoriam-bahoaka mihoatra ny 200.
- Azon'ny Governora atao na ny Préfet ny mandray andraikitra amin’ny faritra misy azy.
- Mbola mikatona ny sisitany eto Madagasikara.
- Ny 01 Novambra ho avy izao no sidina farany mampody ireo olona avy any ivelany.
