Hotokanana ny Sabotsy 25 marsa 2023
Hotokanana ny sabotsy 25 marsa 2023 ho avy izao ny Lycée sy CEG ao amin'ny Kaominina Androhibe Antsahadinta, distrikan'Antananarivo Atsimondrano. Ny Faritra Analamanga no nanatanteraka ny asa araka ny Velirano fahefatry ny Filoham-pirenena.
Ho an'ny CEG dia trano fianarana vaovao no naorina izay mirefy 7,50mx30,25m ary ahitana efitra telo.
Trano iray lehibe vaovao misy rihana ihany koa no natolotra ny Lycée izay mirefy 13mx18,50m ary ahitana efitrano fianarana miisa 6 sy birao 2. Ireo rehetra ireo dia mbola miampy trano fivoahana (WC) 2 sy douche.
Lanonam-be no hohita eny Androhibe Antsahadinta amin'io Sabotsy 25 martsa io. Hanafana ny fotoana ny mpanakanto TSILIVA ary hisy ny nofonkena mitam-pihavanana hatolotry ny Faritra Analamanga.
