Mitohy hatrany ny asa, 20 aprily 2023
Mitohy hatrany ny asa fanamboaran-dalana "point-à-temps" sahanin'ny Faritra Analamanga.
Efa eny Andranomena Ambodimita izy ireo ankehitriny no manatanteraka ny asa izay mbola hitohy hatrany. Miasa andro aman'alina izy ireo
Nitohy nandritry ny andro fety ny asa, 11 aprily 2023
Nitohy nandritra iny faran'ny herinandro iny eny nandritra ny andro fety ny asa fanamboaran-dalana sahanin'ny Faritra Analamanga amin'ny fanamboaran-dalana eto Antananarivo sy ny manodidina.
Teny Mamory Ivato sy Talatamaty no nanohizana.
Izany no natao dia mba hamahana haingana ny olan'ireo mpampiasa iny lalana iny amin'ireo fahasimban'ny lalana.
Manao ny asa tandrify azy ny Faritra Analamanga, 05 aprily 2023
Nidina teny ifotony, niaraka tamin'ireo teknisianina mpiara-miasa aminy, teny Ivato sy ny manodidina, ny Governoran'Analamanga Hery Rasoamaromaka, nijery sy nanara-maso ny fizotry ny fanamboaran-dalana sahanin'ny Faritra Analamanga eto Antananarivo sy ny manodidina.
Araka ny nifanarahana teo amin'ny Minisiteran'ny Asa Vaventy, ny Faritra Analamanga ary ny CUA dia nisy ny fizarana asa teo amin'ny 3 tonta. Noho izany indrindra no nijerenay ny fizotry ny asa sahaninay teny an-toerana hoy ny Governora. Toy ny fanaonay ato amin'ny Faritra Analamanga dia miezaka hatrany izahay hanao izay hahatomombana amin'ny an-tsakany sy an-davany ireo asa sahaninay, hoy hatrany izy.
Hitohy amin'ny toerana hafa ny asa rehefa vita tsara ny eny Ivato sy ny manodidina.
Ny Faritra Analamanga dia maneho ny fialan-tsiny amin'izay mety ho fanelingelenana mandritra ny asa fanamboaran-dalana.
